پریشانیوں کے اسباب اور انکا علاج

پریشانیوں کے اسباب اور انکا علاج    

،،حضرت ام سلمہ رضی الله عنہا سے روایت ہے کہ میں نے رسول الله کو فرماتے ہوئے سُناکہ جب میری امت

میں گناہوں کی کثرت ہو جائے گی تو اللہ تعالٰی خواص و عوام سب پر اپنا عذاب اتارے گا،،                       

 اس کے بعد روایت میں ہے کہ ام سلمہ فرماتی ہیں یہ سُن کر میں نے رسو ل اللہ سے پوچھا ،یا رسول اللہ !کیا 

اس وقت صالح اور نیک بندے نہیں ہونگے؟آپ نے فرمایا ہونگے،میں نے کہا پھر ان لوگوں کے ساتھ کیا معاملہ ہو گا؟

        آپ نے فرمایا جو مصیبت اور لوگوں پر آئے گی وہی ان پر بھی آئے گی ،پھر اللہ تعالٰی کی جانب                            

سے انکو مغفرت اور رضا مندی ملے گی۔                                                                                                 

   علامہ ابن قیم جوزی رح الجواب الکافی لمن سا ل عن دواءالشافی،،
            میں فرماتے ہیں مراسیل حسن میں ہے کہ رسول اللہ صلی اللہ علیہ وسل نے فرمایا،،میری امت ہمیشہ اللہ کی
        تائید اور اس کی رحمت کے سایہ میں رہے گی جب تک کہ اس امت کے علماء امراء کی بے جا حمایت ںہیں
        کرین گے ،نیک لوگ،فاسقوں،فاجروں کی بے جا صفائی پیش نہیں کریں گے اور شریر لوگ نیک لوگوں کی
        توہین اور بے عزتی نہیں کریں گے لیکن جب لوگ یہ کام کرنے لگیں گے تو اللہ تعالٰی اپنی تائید ان سے اٹھا
        لے گا اور جابر و ظالم لوگوں کو ان پر مسلط کر دے گا جو ان پر بد ترین عذاب کے پہاڑ توڑیں گے پھر 

                  اللہ تعالٰی انکو فقر و فاقہ میں مبتلا کر دے گا۔۔

سنن ابن ماجہ میں حضرت عبداللہ بن عمررضی اللہ سے مروی ہے کہ رسول اللہ صلی اللہ علیہ وسلم کی خدمت

میں دس افراد کی جماعت بیھٹی تھی ان میں سے ایک میں بھی تھا رسول اللہ صلی اللہ علیہ وسلم نے خطا ب

فرمایا۔ 

،،اے محاجرین کے گروہ!میں پانچ چیزوں سے تمہارے حق میں بارگاہ الٰہی سے پناہ مانگتا ہوں۔

(١)جس قوم میں بے حیا ئی پھیل جائے اور کھلم کھلا بدکاری ہونے لگے تو اللہ تعالٰی ان میں طاعون اور دوسری مہلک قسم  کی بیماریاں بھیج دیتا ہے جو ان سے پہلے لوگوں میں نہیں تھیں۔

(٢)جو لوگ ناپ تول میں خیانت کرتے ہیں اللہ تعالٰی ان میں قحط سالی اور تنگی معاش کی مصیبت بھیج دیتا             
ہے اور ظالم بادشاہ ان پر مسلط کر دیتا ہے۔                                                                   
(٣)جو لوگ مال کی زکٰوہ دینا بند کر دیتے ہیں تو اللہ تعالٰی آسمان سے بارش روک دیتا ہے اور اگر چوپائے             
نہ ہوتے تو ان لوگوں کے لیے کبھی پانی نہ برستا۔                                                             
(٤)جو لوگ عہد توڑتے ہیں اللہ تعالٰی ان پر ان کے علاوہ سے کسی کو دشمن بنا کر مسلط کر دیتا ہے جو               
ان پر قبضہ سے چیزوں کو چھین لیتا ہے۔                                                                     
(٥)جب ان مسلمانوں کے رہنما اللہ تعالٰی کے دین اور اس کی کتاب پر عمل کرنا چھوڑ دیتے ہیں تو ان کے             
درمیان پھوٹ ڈال دیتا ہے۔۔۔۔۔                                                                             
بہر حال آج ہر مصائب و مشکلات کے پہاڑ دیکھتے ہوئے ہر مسلمان پر لازم ہے کہ وہ گناہوں سے باز آجائے اور سابقہ گناہوں کی معافی حضرت آدم علیہ السلام کی دعا کے ذریعہ مانگتا رہے۔۔۔                                           
(دعا)  ربنا ظلمنا انفسنا وان لم تغفر لنا وترحمنا لنکونن من الخاسرین۔                            ۔۔ترجمہ ۔۔۔                                                              
اے ہمارے پروردگا ہم نے اپنی جانوں پر ظلم کیا اگر تو ہمیں معاف نہیں کرے گا اور تو ہم پر رحم نہیں کرے           

گا تو ہم یقیناَ خسارے میں رہیں گے۔۔۔